外向

昨晚在跑步機上，健身教練忽然對我說：

「吖原來你對腳都幾外八字下架喎。」

?!

唔講唔覺，嚴重嗎？

「哦，可能你身體一早就適應咗咁樣行路，其實對健康就冇咩影響嘅......」

吁— — —

「呀；只係唔係咁好睇咁囉......」

啊！咁即係嚴重啦！唔係為咗好睇，做乜鬼嘢個個月畀幾舊水一星期兩次每次兩粒鐘又跑又舉咬實牙齦身水身汗做gym唧！

咁點算???

「嗱你由今日起，夾住對腳嚟行，好似catwalk咁，行響一條直線上面咁；企嗰時就盡量合埋雙腳；因為你對腳已經太外八字喇，所以依家要誇張啲咁做，先可以矯正番佢架。」

夾！腳！行！

咪成個gay佬咁......

我真的在跑步機上大叫了出來；希望旁邊那部機上的不是個同志吧......

「冇問題𠺝！冇問題架喎！」

*#@&%#......

各位，本人在此嚴正聲明：

假若閣下於日後目擊本人步行時腳夾夾，疑似哥哥明哥elton john，

請不要怕，

不要問，

不要笑，

不要拍照留念，

更，

不要從後搞我。

謝。

-_-"